10 ნოემბერი 2021

მართალია, მოდის ინდუსტრიაში დღეს უამრავი ბრენდი ასპარეზობს, თუმცა ცოტაა თავისი სახელის ისე მტკიცედ მატარებელი, როგორც GUCCI. ალესანდრო მიკელეს ცვალებადი, მაქსიმალისტური დიზაინი იქნება, თუ ტომ ფორდის სკანდალური და საოცრად მიმზიდველი კამპანიები, რთულია ბრენდის ისტორიიდან გაიხსენო დრო, როცა ის ჩვენს გაოცებას ვერ ახერხებდა და მოდის სტანდარტებს არ სცდებოდა.

gucci1.jpg

ყველაფერი დაიწყო 1921 წელს, ფლორენციაში, როცა გუჩიო გუჩიმ დაარსა დღეისათვის კარგად ნაცნობი ბრენდი GUCCI. თავდაპირველად გუჩიო მუშაობდა ტყავზე და კომპანი „FRANZI”-სთვის ქმნიდა ჩემოდნებსა და მდიდრულ სამგზავრო ჩანთებს, თუმცა გუჩიო მიხვდა, რომ დრო იყო საკუთარი ბრენდის შექმნაზე დაეწყო ფიქრი და მიღებული პრაქტიკა საკუთარი იდეების განსახორციელებლად გამოეყენებინა.

საინტერესოა, რომ ბრენდი ოჯახური შრომის შედეგია. სწორედ გუჩიოს შვილი, ალდო იყო ის, ვინც GUCCI-სთვის რეპუტაციის მოპოვებაზე დაიწყო ფიქრი და სწორედ ამ პერიოდში შეიქმნა ბრენდის პირველი, იკონური ბამბუკის ხელსაკიდიანი ჩანთა. 

Gucci_Bamboo_1.png

50-იანი წლებისთვის GUCCI-ს მაღაზიები იტალიის ყველა მთავარ ქალაქში გაიხსნა,რის შემდეგაც აშშ-სკენ მგლობალური სახელის მოსაპოვებლად აიღო გეზი. სწორედ ამ დროს შეიქმნა GUCCI-ს ყველასთვის ნაცნობი მწვანე და წითელი პრინტი.

gucci-mission-statement.jpg

მიუხედავად იმისა, რომ გუჩიო გუჩი მალევე გარდაიცვალა, ამერიკა მალევე აღმოჩნდა ბრენდის გავლენის ქვეშ და ასე დაიწყო GUCCI-ს ოქროს ხანა. ელიზაბეტ ტეილორი, ჟაკლინ კენედი, გრეის კელი - GUCCI-ს მოყვარულების სია დაუსრულებელია და ასევე დაუსრულებელია შთამბეჭდავი აქსესუარები თუ ტანისამოსი, რომელსაც GUCCI უკვე საუკუნეა ქმნის.

რაც შეეხება დღეს ერთ-ერთ ყველაზე სასურველ აქსესუარს - GUCCI-ს საათს, ბრენდმა აქსესუარის შექმნა 1997 წელს დაიწყო და მომენტალურად შეძლო ყველას გაოცება და უკვდავი სახელის მოპოვება თავისი გამორჩეული დიზაინით. ბრენდის საათებს შედევრად იტალიური ფანტასმაგორიული დიზაინისა და შვეიცარიული ოსტატობის სინთეზი აქცევს. ბრენდის საათები დღეს ერთ-ერთი ყველაზე მოთხოვნადი აქსესუარია. G-ლოგო, ცხოველებით გაფორმებული ციფერბლატი, თვლებით შემკული დიზაინი - GUCCI-ს ხელწერა უკვდავია.

Gucci-Grip-Banner.jpg

ბრენდის თითოეული საათი თუ სამკაული, ჩანთა თუ სხვა აქსესუარი გამოხატვაა იმ უმდიდრესი მემკვიდრეობისა, რომელიც 1921 წელს გაჩნდა.

GUCCI-ს საათების წარმომადგენელი საქართველოში TI’ME GEORGIA არის. 10-12 ნოემბერს კი ბრენდის თითოეული ნიმუში 20% ფასდაკლებით შეგიძლიათ შეიძინოთ.

CSAdf9CaMM6sLXs4mudNsM.jpg

იხილეთ მეტი
დამალვა